Rigoni është një bimë e egër dhe lind spontanisht në male, por mund të kultivohet edhe në një vazo. Emri i tij shkencor vjen nga fjala greke Oros (malor) dhe ganos (shkëlqim). Kjo bimë ka nevojë për diell për të zhvilluar të gjithë aromën e saj. Por, le të mësojmë më shumë për të.

Vetitë dhe përfitimet e rigonit
Rigoni ka veti të pamohueshme medicinale, që përmbahen në majat e lulëzuara të tij. Lulet e tij përmbajnë një vaj esencial që përbëhet nga substanca të ndryshme aromatike (terpinene, timol, karvakrol), të cilët zhvillojnë një shije të veçantë, të fortë dhe të pagabueshme. Substancat aromatike që vaji esencial nga lulet bimore të rigonit përmban, ushtrojnë disa përfitime efektive për shëndetin e njeriut, të tilla si:

- Favorizojnë tretjen duke stimuluar pështymë dhe sekrecione stomaku.
- Janë të dobishme në rast fryrjeje të barkut, pasi lehtëson dëbimin e gazit nga zorrët.
- Çlirojnë rrugët e frymëmarrjes në rast të kollës dhe ftohjes.
- Ushtrojnë një veprim të butë dezinfektues.

Kaloritë dhe vlerat ushqyese të rigonit
100 g rigon përmban 265 kcal, 9 g proteina, 68,92 g karbohidrate, 4.09 g  sheqerna, 4.28 g yndyrë, 42.5 g fibra dietetike dhe 25 mg natrium.

Si mund ta përdorim rigonin
- Për të bërë çaj, përzieni 1 lugë çaji nga kjo barishte e thatë në një gotë me ujë të valuar. Rekomandohet për ftohjet, dhimbjet e kokës dhe çrregullimet gastrointestinale.
- Ndihmon për të lehtësuar heqjen e gëlbazës dhe ushtron një veprim të caktuar qetësues për kollën.
- Zieni në ujë të valuar për 3 minuta 1 lugë çaji rigon të thatë, rekomandohet në rastet e tensionit nervor.                                                                                                                                        
- Gargara e bërë me zierjen e luleve të rigonit pastron gojën dhe fytin.
- Banjë me rigon. Shtoni në vaskën e banjës rigon të zier për të qetësuar këmbët, si relaksues dhe aromantizues.
- Vaj esencial. Fuqia antiseptike e rigonit lufton kërpudhat e lëkurës, veçanërisht te këmbët.

Rigoni nxit menstruacionet, për këtë arsye duhet të shmanget absolutisht në shtatzëni.
Në kozmetikë, gjethet e rigonit mund të përdoren për të rivendosur elasticitetin dhe ndriçimin e lëkurës suaj. Nëse keni celulit, ju mund të përgatisni zbutës me bazë nga vaji esencial i rigonit, të cilin mund ta përdorni çdo ditë pas dushit si kurativ.
Rigoni ndihmon në tretjen e ushqimit si dhe shërben si aromatizues në kuzhinë duke zënë një vend të rëndësishëm, sidomos në përgatitjen e pjatave të Mesdheut.
Gjethet e tij mund të përdoren gjithashtu edhe për t’i dhënë shije sallatave dhe mishit.
Është mirë që rigonin t’ia shtoni të gjitha pjatave që e kërkojnë, ku përveç shijes së mirë do të thithë lëngjet e somakut dhe do të rregullojë funksionin e mirë të mëlçisë.