Gjatë gatimit të perimeve është e rëndësishme të shmangni sa më shumë të jetë e mundur shpërndarjen e vitaminave, mineraleve dhe antioksidantëve të pranishëm në perime të ndryshme dhe për këtë arsye është gjithmonë më mirë t’i gatuani pak e në një kohë të shkurtër. Por, le të shohim se si të gatuani disa nga perimet që ne kemi zgjedhur duke përdorur metoda të ndryshme të gatimit!

Perimet janë ushqime të rëndësishme në çdo dietë të shëndetshme dhe të ekuilibruar: ka kaq shumë perime dhe secili prej tyre ka kohë të ndryshme gatimi që duhet të respektohet. Madje, edhe lloji i gatimit mund të jetë i ndryshëm në varësi të perimeve që do të gatuhen, si psh: në avull, të pjekura, në një tenxhere me presion, mikrovalë, skarë etj.

Natyrisht, për çdo perim është një metodë më e mirë gatimi në krahasim me një tjetër, që ndihmon për të ruajtur më mirë vlerta ushqyese. Por, mos të humbasim kohë dhe t’i shohim më në detaj:

Karota
Karotat duhet të hahen të pagatuara, por ideale është gjithashtu t’i zieni ose t’i gatuani ato në avull.
Kungull i njomë
Kungulli i njomë mund të hahet i zierë ose në avull, por edhe i skuqur ose i gatuar në mikrovalë.
Brokoli
Karota dhe kungulli i njomë i gatuar humbasin më pak vitaminë C sesa brokoli. Në rastin e brokolit preferohet gatimi në avull në vend të valës klasike. Në çdo rast, duhet gjithmonë të gatuani brokolin shumë pak, për të ruajtur të gjithë përbërësit e vlefshëm.
Karçofi
Është një nga perimet e pakta që ruan kapacitetin antioksidant, pavarësisht të gjitha metodave që përdoren për gatim. Ju mund t’i gatuani në zjarr të ngadaltë, të skuqur ose të pjekura në mikrovalë.
Patëllxhani
Për patëllxhanin është më mirë gatimi në skarë ose tost, sepse patëllxhani humb shumë nga sasia e tij e antioksidantëve kur gatuhet për një kohë të gjatë në tenxhere. Në skarë kjo nuk ndodh, por sigurisht duhet të jeni të kujdesshëm për të mos e djegur, sepse ai mund të formojë komponime të dëmshme për shëndetin.
Lulelakra
Përsa i përket lulelakrës, gatimi më i mirë është ai me avull ose mikrovalë, por edhe mund të zihet në ujë.
Rrepat dhe qepët
Ruajnë fuqinë e tyre antioksiduese në të gjitha mënyrat e gatimit, përveçse me metodat më të forta (të pjekura dhe të pjekura në skarë).
Spinaqi
Për të ruajtur të gjitha vlerat ushqyese që gjenden në spinaq, gjithmonë shmangni vlimin e tij me ujë. Metoda më e mirë për ta gatuar është ta lini të vlojë në një tenxhere me ujin e tij, duke i vënë një kapak mbi të!