Filetoja kërkon teknikë të veçantë, nëse kërkon të arrish një gatim të veçantë. Fileton mund ta pjekësh fort, ka persona që e pëlqejnë jo shumë të gatuar, ‘al sangue’. Teknikat ndryshojnë, ndaj ndiqni rekomandimet tona për të arritur mënyrën perfekte të gatimit të filetos së viçit.

A është pjekur filetoja

Jemi mësuar që për të provuar nëse është gatuar filetoja e mishit të viçit të bëjmë një prerje të vogël në qendër. Por kjo praktikë nuk është e përshtatshme. Në fakt, në qoftë se ju vërtet doni të gatuani fileto, këshillohet që të përdorni një termometër kuzhine, që mat temperaturën në pikën qendrore të mishit. Në mungesë të këtij mjeti, disa të tjerë përdorin një test, duke shtypur mishin me majën e thikës, për të vlerësuar elasticitetin e tij. Kjo mund të japë një ide të përafërt. Por shefat e kuzhinës tregojnë një tjetër mënyrë të pagabueshme: prekni me majën e gishtit të madh, një tjetër gisht të së njëjtës dorë dhe me dorën tjetër masni qëndrueshmërinë e muskujve të mishit. Duke ndryshuar, gishtin në kontakt me mishin do të ndieni nëse është gatuar apo jo mishi (kontakti në mes të gishtit të madh dhe gishtit tregues), deri në pikën tjetër (gishtit të madh dhe gishtit të vogël).

Llojet e gatimit:

Fileto ‘bleu’

Bëhet fjalë për pjekjen e shpejtë në temperaturë shumë të lartë. Për të prekur mishin në këtë mënyrë duhet që mishi të jetë i butë dhe në mes të mbetet i kuq, ndërsa temperatura të jetë 40°C.

Fileto ‘al sangue’

Ky është një gatim që kërkon pak më shumë kohë, me formimin e një koreje të trashë në sipërfaqe. Pjesa e brendshme e mishit duhet të jetë ende e kuqe dhe temperatura 50°C. Kjo është mënyra ideale për përgatitjen e filetos, që të qëndrojë e shijshme dhe e butë.

Fileto ‘al punto’

Ky gatim është lehtësisht i realizueshëm në tigan ose në zgarrë. Filetoja është gati kur sipër kores shfaqen disa pikla, më pas duhet të kthehet nga ana tjetër dhe të piqet sërish deri sa të dalin bulëzat. Pas gatimit, mishi duhet të qëndrojë për 2-3 minuta në pjatë. Kur pritet, mishi duhet të ketë një ngjyrë uniforme rozë dhe temperatura duhet të jetë 60°C.

Fileto e pjekur mirë, ‘bien cuit”

Ky është një gatim i ngadalshëm dhe mishi është i fortë kur e prek, ndërsa ngjyra e brendshme e mishit duhet të mbetet më e errët, ndërsa temperatura duhet të jetë 70°C.