FJALOR GASTRONOMIK
I pari fjalor gastronomik në gjuhën shqipe.
Shiko Info

Mbi 1 000 fjalë e shprehje të ndryshmenga bota e ushqimit dhe pijeve, që përdoren posaçërisht në kuzhinë apo kanë lidhje indirekte me gjithë proçesin e përgatitjes dhe servirjes së ushqimit.

Një pjesë e madhe e tyre kanë prejardhje nga gjuhë të huaja dhe njihen ndërkombëtarisht në formën e tyre origjinale, sidomos nga shefat e kuzhinës apo të apasionuarit pas ushqimit dhe pijeve. Ato s’mund të gjenden në fjalorin zyrtar të shqipes së sotme dhe një përkthim literal jo vetëm do të ishte i pamundur, por do t’iu humbiste edhe bukurinë.

Do të zbuloni mjaft fjalë të reja dhe të vjetra që, për arsye të ndryshme, s’iu ka rënë rasti t’i dëgjoni dhe përdorni, por që gjuha shqipe i ka patur gjithmonë aty.

Urojmë që ky fjalor i ri gastronomik t’ju vijë sadopak në ndihmë për të kuptuar më mirë termat e gatimit, por edhe në pasurimin e gjuhës suaj të përditshme.

A
B
C
D
DH
E
F
G
GJ
H
I
J
K
L
LL
M
N
NJ
O
P
Q
R
RR
S
SH
T
TH
U
V
X
XH
Y
Z
ZH
Vanilje
Bimë barishtore kacavjerëse e vendeve tropikale, fruti i të cilës ka formën e një bishtaje të gjatë e të hollë prej nga ku nxirret erëza e njohur me emrin Vanilla. Ekstrakti nxirret nga kokrrat e lules, të cilat zhyten në ujë dhe alkool. Më pas thahen për gjashtë muaj dhe janë gati për përdorim në formën e pluhurit ose të vajit. Përdoret përgjithësisht në pastiçeri. Pas shafranit, vanilja është erëza më e shtrenjtë në botë.
Vitaminë
Substancë organike që gjendet te bimët, shtazët dhe mikroorganizmat. Njeriu i merr nëpërmjet ushqimit ose si suplemente të përpunuara në mënyrë kimike. Kanë rëndësi sepse ruajnë dhe mirëmbajnë metabolizmin e organizmit. Ndonëse në sasira të vogla, ato janë thelbësore për të gjitha funksionet e organizmit, përfshi rigjenerimin e indeve dhe mirëmbajtjen e shëndetit të njeriut.
Vorbull me mish dashi dhe uthull
Është një pjatë e lashtë e gatuar nga banorët e krahinës së Elbasanit, ku baza janë qepët e kuqe të kësaj krahine (gjenden deri në Librazhd e Prrenjas) si dhe mishi i dashit. Veç qepëve, të cilat kavërdisen pak në gjalpë apo vaj ulliri, dhe mishit, kjo përmban edhe "një kokërr hudhër për kokë" (person), sëbashku me nenexhikun e bahçeve në formë të freskët apo të thatë. Dhe në fund uthull vere.
Vrasto me mish gjedhi
Top