Name: Sallatë me Pulë dhe Kungulleshka
Total time: 55 min
Yield: 4 porcione
Ingredients: 650 gr gjoks pule; 2 kungulleshkë; 1 spec i kuq; 1 patëllxhan; 100 gr sallatë miks; kripë; 4 lugë vaj ulliri

Sallatë me Pulë dhe Kungulleshka

Eshte gatuar 0 here

0 komente

Nga Shije.al / 11 SHKURT 2016

Kjo sallatë është shumë e freskët, e shëndetshme dhe e lehtë në përgatitje.

55 min

4 porcione

E Lehtë

Mish Pule, Sallata, Të shëndetshme, Ndërkombëtare, Drekë ose Darkë, Në Çdo Stinë

Ruaj

E gatova

Vlerësoje

Printo

Përbërësit

650 gr gjoks pule
2 kungulleshkë (rreth 350 gr)
1 spec i kuq (rreth 300 gr)
1 patëllxhan (rreth 340 gr)
100 gr sallatë miks
kripë
4 lugë vaj ulliri (ekstra i virgjër)

Përgatitja

Për të përgatitur këtë sallatë, ju si fillim duhet që të merrni specin e kuq. E lani mirë dhe e vendosni në një tavë furre, duke i shtruar më parë një letër pergamene. E fusni specin në furrën me ventilim në temepraturë maksimale për rreth 10-15 minuta, deri sa lëkura e specit të jetë lehtësisht për t’u hequr.

Pasi speci të jetë pjekur, ndajeni atë përgjysmë, hiqini farat dhe bishtin dhe prijeni në rripa të hollë dhe lëreni mënjanë.

Më pas merrni kungulleshkat. Lajini mirë, prijini në të dyja skajet dhe e prisni kungulleshkën në feta të holla të rrumbullakta.

Më pas, në një tavë zgare, të nxehur shumë paraprakisht, i vendosni fetat e kungulleshkave dhe i piqni mirë nga të dyja anët.

Të njëjtën gjë bëni edhe me patëllxhanin. E lani mirë, e prisni në feta të holla dhe i vendosni fetat në tavën e zgarës, e cila duhet të jetë sërish shumë e nxehtë. (E kemi nxehur paraprakisht. Piqini mirë fetat e patëllxhanit dhe nëse ato janë shumë të mëdha, prijini në rripa paksa të hollë.

Më pas merrni pulën. Pastrojeni pjesën e gjoksit nga yndyrat e tepërta dhe nga kockat. Priteni në feta gjoksin e pulës, e rrihni mishin me një çekiç druri në mënyrë që të bëhet në formë homogjene.

Kalojeni më parë mishin e pulës në vaj ulliri dhe më pas vendoseni edhe atë në tavën e zgarës. Pasi mishi të jetë pjekur si duhet, e lini të ftohet dhe më pas prijeni në shirita të hollë.

Tani që perimet dhe pula janë gati, hidhini në sallatën mike, e cila ndodhet në një tas të thellë dhe përziejini të gjithë përbërësit sëbashku. Shtojini pak vaj ulliri dhe kripë dhe sallata juaj është gati.

Jepni Vlerësimin Tuaj