Bavareze me Akullore

Eshte gatuar 0 here

0 komente

Nga Shije.al / 16 MAJ 2014

Një ëmbëlsirë e freskët, e lehtë dhe e shijshme. Mund ta servirni mbas një dreke ose darke, por edhe në kohë të tjera në varësi të stinës.

45 min

2 porcione

E Lehtë

Çokollatë, Ëmbëlsira dhe fruta, Kalorike, Evropiane, Në Çdo Kohë, Në Çdo Stinë

Ruaj

E gatova

Vlerësoje

Printo

Përbërësit

170 gr çokollatë e zezë (Fondente)
2 kokërr vezë (e verdha)
150 gr sheqer
250 ml pana (pastiçerie)
200 ml qumësht
5 gr vanilje
2 fletë xhelatinë peshku
150 gr akullore (me fëstëk)

Përgatitja

Ngrohni qumështin. Hidhni një pjesë të vaniljes.

Zbusni në ujë të ftohtë xhelatinën e peshkut për 10 minuta.

Copëtoni çokollatën dhe shkrijeni në qumësht.

Shtrydheni xhelatinën e peshkut dhe shtojani kremit të çokollatës duke e përzier sa të shkrijë.

Rrihni vezët me sheqerin dhe sapo të zbardhen shtojani qumështit me çokollatë duke i rrahur energjikisht. Lëreni masën të vaket.

Rrihni panën e pastiçerisë, shtojani masës që tashmë është vakur, futeni të gjithën në një enë dhe lëreni të pushojë në frigorifer për të paktën 4 orë.

Kur ta nxirrni nga frigoriferi enën futeni për ndonjë sekondë në ujë të ngrohtë dhe kthejeni në një pjatë për ëmbëlsira, shërbejeni të shoqëruar me akullore me fëstëk dhe ndonjë biskotë.

Jepni Vlerësimin Tuaj