Tempura Japoneze

Eshte gatuar 0 here

0 komente

Nga Shije.al / 13 N�NTOR 2013

Receta është një pjatë tipike japoneze me fruta deti dhe perime

20 min

2 porcione

E Lehtë

Fruta Deti, Antipasta, Të shpejta, Ndërkombëtare, Darkë, Në Çdo Stinë

Ruaj

E gatova

Vlerësoje

Printo

Përbërësit

2 kokërr vezë
250 gr miell
8 copë karkaleca
500 ml ujë (të ftohtë)
1 copë patëllxhan
1 copë kungulleshkë
1 copë spec
100 ml vaj
30 gr filiz (soje)

Përgatitja

Hiquni kokën dhe zhguallin karkalecave. Pritini në copa të vogla dhe shtypini duke ushtruar presion në mënyrë që të mos fryhen gjatë skuqjes dhe, në përfundim të gatimit, të jenë të gjitha uniforme.

Hidhini më vete të verdhat e vezëve në një tas, shtoni miellin dhe ujin e ftohtë pak nga pak dhe rriheni për të përftuar një masë kremoze.

Pritini perimet me rripa dhe në rrotulla por duke pasur kujdes që në një vend të mbahen të bashkuara: kur t’i vini në pjatë mund t’i hapni në formën e një erashke.

Me një pincë merrni karkalecat që i keni bërë gati, pluhurosini me pak miell, zhytini në masën kremoze që keni përgatitur me të verdhat e vezëve dhe skuqini në vaj të nxehtë derisa të marrin një faqe të artë dhe të rreshkur.

Vendosini karkalecat në një pjatë mbi të cilën keni shtruar një letër thithëse. Përsëriteni të njëjtën gjë me perimet: kalojini në miell, në masën kremoze, skuqini dhe vendosini mbi letër thithëse.

Kompozoni karkalecat dhe perimet në pjatë (këto të fundit duke i hapur si erashkë). Zbukurojeni pjatën me filizat e freskëta të sojës dhe shërbejini të shoqëruar me një tas me salcë soje.

Jepni Vlerësimin Tuaj